Ivan Balliu, zhvilloi një sezon të shkëlqyer me skuadrën e Rayo Vallecano në Spanjë, duke qenë nga më të spikaturit në skuadrën e tij.
Mbrojtësi i djathtë, tregoi paraqitje shumë të mira edhe me Shqipërinë, në grumbullimin e fundit, në dy ndeshjet ndaj Izraelit dhe Islandës.
Duke parë formën e treguar nga 30-vjeçari, në gjurmët e tij, janë vënë skuadra të njohura nga La Liga.
Sipas asaj që raportojnë mediat spanjolle, Villarreal, Betis dhe Espanyol, kanë shfaqur interes për të pasur në ekipet e tyre Balliun. Ky i fundit nuk ka vendosur ende për të ardhmen, por nuk përjashtohet mundësia që të qëndrojë edhe te Rayo Vallecano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
