Ferrari po tregon edhe një herë se është përmirësuar ndejshëm dhe kjo u dukë në pistën e Bakusë në Azerbaixhan, ku piloti gjerman i kokë kuqesh Sebastian Vettel fitoi "pole positions" dhe do të niset i pari.
Piloti gjerman i Ferrarit vendosi kohën më të shpejtë 1:41:498, duke lënë pas rivalin e tij kryesor, kampionin në fuqi Lewis Hamilton.
Piloti tjetër i Mercedes, Valteri Bottas regjistroi kohën e 3-të më të mirë, ndërsa pas tij do të nisen dy makinat Red Bull të Ricciardo dhe Verstappen.
Kimi Raikkonen regjistroi vetëm kohën e 6 më të mirë, pasi gaboi në sektorin e dytë të pistës, duke shpërdoruar një mundësi për t’u nisur mes të parëve.
Ky është pole position i 3-të radhazi për gjermanin e Ferrarit, Sebastian Vettel, që për më tepër kryeson edhe renditjen për pilotë, ndonëse jemi vetëm në garën e 4-t sezonale.
Për të gjithë të apasionuarit e garave me makina, Grand Prix e bakusë do të zhvillohet të dielën në orën 14:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
