Problemet e Real Madridit me Ferland Mendy për arsye të kërkesave të francezit, të cilat e ndërlikojnë rinovimin , sigurisht janë analizuar me detaje nga ana e drejtuesve.
Tek ‘’ Galaktikët ‘’ ka filluar të mendohet për një tjetër element dhe në listën e gjatë është shfaqur emri i Raphael Guerreiros .
29 vjeçarit i përfundon kontrata me Borussia Dortmundin në 30 qershorin e 2023-shit dhe për ‘’ Verdhezinjtë ‘’ merkatoja e dimrit konsiderohet një shans ideal për të mbushur arkat , pasi në të kundërt do të rrezikonin largimin e portugezit me parametër zero në verën e ardhshme.
Carlo Ancelotti akoma nuk është bindur me performancën e prapavijës dhe transferimi i Raphael Guerreiros në ‘’ Santiago Bernabeu ‘’ mund t’ia lehtësojë dhimbjet e kokës sepse për ‘’ Los Blancos ‘’ është shumë i rëndësishëm vijimi i të njëjtës rrugë dhe për realizimin e objektivave i kanë të gjitha mundësitë dhe mbështetjen si gjithmonë të manjatit Florentino Perez, pa të cilin Real Madridi s’do të ishte ajo skuadër që është sot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
