Jules Kounde është shëndërruar në një ndër lojtarët më të preferuar në kontinentin e vjetër . 22 vjeçari vjen pas dy sezonesh të shkëlqyera me andaluzët dhe menjëherë ka ditur të spikasë në terrenet e gjelbërta . Përpara interesit të Chelseat , ‘’ Los Rojiblancos ‘’ i kanë marrë masat për të përfituar nga largimi i mbrojtësit nga ‘’ Sanchez Pizjuan ‘’.
Sipas të famshmes Marca ditët e fundit ‘’ Blutë e Londrës ‘’ kanë menduar një variant që mund ti shërbejë spanjollëve i cili ka të bëjë me ofertën 35 milionë euroshe plus Kurt Zouma .
Megjithatë përgjigjja e drejtorit teknik Monchi ishte negative sepse Sevilla mendon ti qëndrojë besnike 70 milionë eurove të përcaktuara për një ndër lojtarët më të rëndësishëm të Julen Lopeteguit . Ky reagim i ka dhënë për të kuptuar kryeqytetasve se duhet të sforcohen më tepër për të realizuar transferimin e ishi-t të Bordeaux në mitikun ‘’ Stamford Bridge ‘’ .
Fitimi i Champions Leagues ishte një sukses historik për të besuarit e Thomas Tuchel dhe gjermani kërkon të shtojë forcat në ato reparte ku djemtë e tij kanë hasur vështirësi .
4 gola në 49 ndeshje ishin finalizimi i një sezoni që i ka mundësuar Sevillas sigurimin e një bilete për në grupet e Champions Leagues , turne në të cilin ndër vite ka rezultuar pjesëmarrëse e rregullt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
