Liridon Latifi është lojtari më i ri i Vllaznisë. Klubi shkodran ka njoftuar ditën e sotme firmën me ish-lojtarin e Skënderbeut.
Sulmuesi kosovar ka firmosur për dy sezone me kuqeblutë. Latifi luajti me Skënderbeun në Superiore dy sezone më parë, ku tregoi paraqitje të shkëlqyera, duke luajtur edhe në Europa League.
“Vllaznia bën të ditur se pasditen e sotme ka arritur marrëveshjen me futbollistin Liridon Latifi. Me këtë futbollist është firmosur një kontratë dyvjeçare dhe shpresojmë që ai të tregojë vlerat e tij më të mira ashtu siç ka bërë edhe në skuadrat e tjera me të cilat ka luajtur më përpara.”, thuhet në komunikatën e klubit shkodran.
Në dy sezonet e fundit, 27-vjeçari ka qenë pjesë e Akademia Puskas në kampionatin hungarez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
