Rikthimi i Vitor Roques në Brazil, konkretisht tek Palmeirasi ka rezultuar një vendim i suksesshëm.
Braziliani ka avancuar ashtu siç duhet dhe menjëherë pretendentët në kontinentin e vjetër kanë filluar të interesohen për shërbimet e tij.
Drejtuesit e Interit synojnë ta bëjnë pjesë të skuadrës 20 vjeçarin, i cili ka patur influencë në avancimin e Palmeirasit, si në kampionat ashtu edhe në Kupën Santander Libertadores.
Vlen për tu përmendur se tek Real Betisi Vitor Roque kontriboi me 7 gola në 33 sfida dhe transferimi tek gjigandët e Brasileiraos u finalizua me 25.5 milionë euro referuar kartonit plus 5 të tjera bonuse për 80 përqind të tij.
Krerët e zikaltërve e konsiderojnë të duhurin për skemat e trainerit Christian Chivu, të cilët nëse e arrijnë marrëveshjen sigurisht edhe për Vitor Roquen do të ishte nisja e një tjetër eksperiencë në karrierë, tek një ndër pesë kampionatet më të bukur të Europës.
Tek një ekip si Interi presioni është shumë i madh por golashënuesi nga Minas Gerais e ka kapacitetin për tu përshtatur pa probleme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
