Interesi i Real Madridit për Alphonso Davies, sigurisht e ka bërë kanadezin ta analizojë me kujdes të ardhmen, i cili sipas ‘ Bild ‘ i ka kushtëzuar drejtuesit e Bayern Munchenit për të vijuar në ‘’ Allianz Arena ‘’.
Duke qenë i vetëdijshëm për rëndësinë që ka në skemat e Thomas Tuchelit, 23 vjeçari pretendon të jetë një ndër më të paguarit e bavarezëve , i cili nëse do t’ia arrijë qëllimit , paga e tij sezonale do të jetë afërsisht 15 milionë euro në sezon.
Drejtori teknik i gjermanëve Christoph Freund ka një detyrë të vështirë përpara sepse ‘’ Galaktikët ‘’ janë prapa derës , me dëshirën e madhe për të marrë shërbimet e këtij lojtari.
Pikërisht agjenti i tij Nedal Househ është shprehur në disa raste se e admiron klubin madrilen dhe një transferim i mundshëm i Alphonso Davies në ‘’ Santiago Bernabeu ‘’ do të vijonte traditën e lojtarëve cilësorë të cilët lanë gjurmë në të kaluarëi Roberto Carlos dhe Marcelo.
Tanimë mbetet në dorën e drejtuesve të rekordmenëve të Bundesligës për të vendosur në lidhje me të ardhmen e anësorit,të cilët do të evitonin përforcimin e një rivali të mundshëm në Champions League në vijimësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
