Duke qenë se jemi në një periudhë shumë të rëndësishme për fatet e çdo skuadre, drejtuesit e Milanit kanë filluar të bëjne llogaritë për sezonin vijues.
Prioritet për to është përforcimi i metrave të fundit, duke qenë se në atë pararendës nuk ishin edhe aq bindës.
Shumë emra kanë qarkulluar së fundmi në zyrat e ‘’ San Siros ‘’, ndër të cilët veçohet ai i Alvaro Moratas dhe Niclas Fullkurg. Referuar spanjollit gjithçka është drejt përfundimit dhe mungon vetëm zyrtarizimi.
Kryeqytetasi rikthehet në Serinë A si kampion Europe, për të cilin kuqezinjtë janë të gatshëm të shpenzojnë 13 milionë euro, shifër që i korrespondon klauzolës për prishjen e kontratës me Aletico Madridin.
Për më tepër eksperienca e Alvaro Moratas konsiderohet një plus për avancimin e mëtejshëm, i cili në të shkuarën u aktivizua me Juventusin.
Edhe sulmuesi i Borussia Dortmundit e ka treguar se dëshiron të avancojë, tek një ekip me emër.
31 vjeçari spikat për aspektin fizik dhe nuhatjen për golat, i cili mund të formojë një dyshe ideale me nxënësin e Luis de la Fuentes.
Ishi i Hannover 96 premton për të ardhmen dhe drejtuesit e Milanit po punojnë me shumë përkushtim për tu rikthyer sa më shpejt tek titujt.
Nëse i referohemi statistikave, duhet theksuar se Alvaro Morata e përfundoi sezonin me 21 gola dhe 3 asiste në 48 sfidat me Atletico Madridin dhe gjithashtu shënoi golin e parë kundër Kroacisë në Europian, ndërsa Niclas Fullkurg shënoi dy gola në këtë eveniment dhe për sa i përket ‘’ Verdhezinjve ‘’, kontriboi me 15 gola në 43 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
