Tek Juventusi nuk kanë të sosur shqetësimet . ‘’ Zonja e Vjetër ‘’ s’ka asnjë siguri për vijimësinë e Paulo Dybalas dhe drejtuesit e saj i kanë shtuar dyshimet duke shtyrë bisedimet të parashikuara për tu përfunduar gjatë kësaj jave në lidhje me sulmuesin nga Kordoba .
Ngërçet për sa i përket rinovimit i kanë shkaktuar nervozizëm golashënuesit sepse pakti ndërmjet palëve nuk është respektuar nga italianët duke qenë se e kanë reduktuar ofertën ndaj ishi-t të Palermos nga 7.4 në 7 milionë euro dhe 3 vite kontratë , ndërsa 28 vjeçari pretendonte edhe 4 sezone të tjera në ‘’ Allianz Stadium ‘’.
Vonesa në rinovimin e kontratës , e parashikuar të finalizohej në tetorin e kaluar kundrejt 9 milionë eurove në sezon plus 3 të tjerave bonus ka provokuar disfatën e ish kampionëve të Scudettos në këtë histori dhe tashmë të mëdhatë e Europës do të jenë edhe më afër ‘’ La Joyas ‘’.
Normalisht Paulo Dybala ka të drejtë të dyshojë për projektin e Juventusit dhe dera tashmë i është hapur pretendentëve , ndër të cilët është përfshirë edhe Interi , i gatshëm ti godasë rivalët dhe ti rrëmbejë një lojtar që prej vitesh konsiderohet ndër më të mirët jo vetëm në Itali por edhe në mbarë kontinentin e vjetër .
Projekti i Massimiliano Allegrit ka filluar qartësisht të pësojë tronditje dhe fatura e këtij ‘’ dështimi ‘’ i kalon Andrea Agnellit i cili po impulson një problematikë evidente për Juventusin sepse siç dihet Paulo Dybala është konsideruar një domosdoshmëri për ofensivën në vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
