Rey Manaj është rikthyer te Barcelona, teksa këtë e ka bërë të ditur nëpërmjet rrjeteve sociale.
Sulmuesit shqiptar i ka përfunduar huazimi te Spezia në Serie A dhe tashmë është rikthyer në Spanjë, aty ku Barcelona zotëron kartonin e tij.
Në profilin e tij, Manaj ka bërë një postim falënderimi për Spezian. “Faleminderit të gjithë djemve, ju uroj fat. Faleminderit edhe tifozëve që e bëjnë këtë qytet kaq magjik.”, shkruan lojtari.
Në të kaluarën, Manaj ka qenë pjesë e Barcelona B, ndërsa një vit më parë, luajti edhe me ekipin e parë të Barcelonës, duke shkëlqyer në miqësoret e verës. Pritet të mësohet tani, nëse do të jetë pjesë e Barcelonës, apo do të shkojë te ekipi i dytë i katalansve.
Nuk përjashtohet mundësia që sulmuesi shqiptar të vazhdojë karrierën diku tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
