Prishtina ka kaluar në finalen e raundit paraeliminator në Champions League, teksa ditën e sotme kanë mposhtur në stadiumin “Elbasan Arena” kampionët e San Marino, Folgore.
Kosovarët kanë triumfuar me rezultatin 2-0, falë dy golave të shënuar në pjesën e dytë. Fillimisht ishte Endrit Krasniqi që zhbllokoi shifrat në minutën e 51, ndërsa në fundin e ndeshjes, ishte Mendurim Hoti i cili vendosi rezultatin me golin e tij.
Prishtina triumfon kështu në gjysmëfinalen e raundit paraeliminator dhe kalojnë në finale, aty ku përballen me Inter Escaldes më 25 qershor. Ekipi kampion i Andorrës mposhti 1-0 HB Torshavn (Ishujt Faroe) në stadiumin “Niko Dovana” të Durrësit. Kujtojmë se kjo është fitorja e parë për Prishtinën në Champions League, ku do të kërkojnë të vazhdojnë sa më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
