Patrik Bardhi është lojtari më i ri i Dinamos. Sulmuesi 23-vjeçar është zyrtarizuar ditën e sotme te blutë e kryeqytetit. Ka qenë vetë klubi, që nëpërmjet faqes zyrtare, ka njoftuar arritjen e marrëveshjes për Bardhin.
Ky i fundit pas përfundimit të kampionatit, njoftoi largimin nga Kastrioti dhe tashmë do të vazhdojë të jetë pjesë e Kategorisë Superiore, aty ku në sezonin e fundit tregoi paraqitje të shkëlqyera. Në 32 ndeshje të zhvilluara me Kastriotin në elitë, Bardhi shënoi 1 gol dhe dhuroi gjithashtu 5 asiste, duke qenë një nga lojtarët më të spikatur te krutanët.
“Patrik Bardhi është firma e parë e projektit të ri. Sulmuesi 23-vjecar vjen pas një aventure të suksesshme në Kategorinë Superiore duke treguar rritje në karrierën e tij sportive”, shkruan klubi i Dinamos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
