Trajneri Ardi Behari, në emisionin “Skaner” në MCN TV, analizoi fitoren e Egnatias ndaj Kastriotit.
Sipas Beharit, rrogozhinasit morën një fitore të çmuar, ndërsa shtoi se Kastrioti pësonte gjithmonë kur i afrohej golit, për shkak të problemeve në mbrojtje.
Egnatia vërtetë mori 3 pikë të çmuara, sepse bëri detyrat e shtëpisë. Ato që treguan në fushë, nuk janë ekuivalente me rezultatin. Kastrioti mbajti topin dhe krijoi shumë raste. Çela në fillim të pjesës së dytë, ndryshoi lojtarët dhe skemën. E mbajti lart Egnatian.
Rrogozhinasit nuk e rrezikuan asnjëherë lojën, te rezultati. Individualitetet që kanë lart, Dwamena ndoshta është sulmuesi më i mirë në kampionatin shqiptar. Kishin komoditetin e avantazhit, kur e ke këtë, i kalon me lehtësi situatat e vështira. Kur Kastrioti i shkonte afër golit, e pësonte mbrapa, për shkak të problemeve individuale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
