E ardhmja e Jonathan Tah vijon të jetë një ndër temat më të rëndësishme tek Bayer Leverkuseni.
Gjermani po zhvillon një sezon për tu mbajtur mend, fakt i shoqëruar me interesin e një tjetër ekipi të famshëm.
Pas Barcelonës është Real Madridi, skuadër e cila ia ka hapur dyert e ‘’ Santiago Bernabeut ‘’.
Do të zhvillohet një tjetër ‘ Superclasico ‘, për një lojtar i cili e përfundon kontratën me ‘’ Aspirinat ‘’ gjatë merkatos së verës.
Falë besimit të dhënë nga Xabi Alonso 28 vjeçari është shëndërruar në një referent në prapavijën e kampionëve në fuqi të Bundesligës, efikas në luftën në ajër dhe një përdorues shumë i mirë i topit.
Jo vetëm për ‘’ Los Cules ‘’ por edhe çdo ekip tjetër interesi i ‘’ Galaktikëve ‘’ mbetet një kërcënim real për arsye të historisë së suksesit dhe potencialit të presidentit Florentino Perez.
Momentalisht Jonathan Tah konsiderohet një ndër mbrojtësit më premtues në kontinentin e vjetër, i cili po zhvillon sezonin e dhjetë në ‘’ BayArena ‘’.
Nuk përjashtohet që në fundin e tij e ardhmja ti ndryshojë sepse për çdo lojtar interesi i Real Madridit apo i Barcelonës përbën një vlerësim dhe njëkohësisht privilegj.
27 sfida dhe 2 gola ka arritur deri më tani Jonathan Tah nën urdhërat e ish mesfushorit spanjoll, ndër trainerët më cilësorë në qarkullim i cili do të mbahet mend gjatë nga komponentët e klubit dhe tifozeria e zjarrtë e tij për fitimin e kampionatit gjerman për të parën herë në histori sezonin e shkuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
