Në sezonin aktual Julian Alvarez është shëndërruar në një referent tek Atletico Madridi.
Argjentinasi ka ditur të përshtatet në 11-shen e formuar nga tekniku Diego Simeone, i cili shquhet si një ndër më kërkuesit.
Ishi i Manchester City-t e ka hedhur pas krahëve shumë shpejt të kaluarën në ‘’ Etihad Stadium ‘’, për të cilin kohët e fundit është interesuar Barcelona.
20 gola në 39 sfidat e deritanishme e kanë impresionuar trainerin Hansi Flick, i cili e sheh si garanci për vijimësinë e ‘’ Los Cules ‘’.
Joan Laporta thuhet se ka bërë gati çekun prej 60 milionë eurosh për golashënuesin përfshirë edhe Ferran Torresin, lëvizje e cila mund ti bindë drejtuesit e ‘’ Los Colchoneros ‘’ gjatë merkatos së verës.
Megjithatë, për ‘’ El Cholon ‘’ prezenca e Julian Alvarezit në metrat e fundit i ka ndihmuar kryeqytetasit për të qenë në lartësinë e duhur në sezonin aktual por gjithsesi nëse i referohemi Ferran Torresit duhet theksuat se kemi të bëjmë me një lojtar i cili nëse i ka mundësitë mund të bëjë diferencën në çdo ekip.
Priten zhvillime në javët vijuese dhe vendimi i takon ishi-t të River Plates, i cili është adaptuar shumë shpejt në kontinentin e vjetër.
Një statistikë e tillë sigurisht tregon vlerat e kampionit të botës me Argjentinën e Lionel Scalonit, një rrezik për çdo rival.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
