Korabi dhe Dinamo janë ndarë në barazim 2-2, në ndeshjen e vlefshme për javën e tetë në Kategorinë e Parë.
Një ndeshje spektakolare, e cila në fund u mbyll pa fitues. Kryeqytetasit kaluan të parët në avantazh me Denilson në minutën e 35-të, por 9 minuta më vonë, vendasit barazuan shifrat me Keko.
Pjesa e dytë nisi mirë për të besuarit e Nevil Dedes, që kaluan sërish në avantazh me Preloshin në minutën e 57-të.
10 minuta më vonë, Korabi mbeti me 10 lojtarë, pasi Mziu u ndëshkua me të kuq. Megjithatë skuadra nuk u dorëzua dhe ia doli të barazojë shifrat me Beshiraj në minutën e 93-të.
Ky barazim i shkon përshtat Flamurtarit që tashmë kryeson i vetëm me 17 pikë, 2 më shumë se Dinamo, ndërsa Korabi mban vendin e tretë me 13 pikë.
Në ndeshjen tjetër, Luzi mposhti 2-0 Tomorin, duke zhytur beratasit në një krizë të madhe rezultatesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
