Fitimi i Premier Leagues me Manchester City-n është pasuar me insistimin e Arsenalit për arritjen e akordit me Ilkay Gundogan.
Parashikohet se gjermani do të largohet nga ‘ Etihad ‘ në 30 qershor me parametër zero dhe ‘’ The Gunners ‘’ pretendojnë të shtojnë cilësinë në mesfushë me ishi-n e Borussia Dortmundit.
Sipas ‘ The Athletic ‘ Mikel Arteta e kërkon medoemos në ‘ Emirates ‘ 32 vjeçarin, të cilin e konsideron zëvëndësuesin perfekt të Granit Xhakas.
Gjithsesi Ilkay Gundogan gjatë një interviste nuk e ka shmangur entuziazmin për arritjet e Manchester City-t dhe ka komentuar kështu :
“ Kemi zhvilluar një sezon të mrekullueshëm . Na mbeten edhe dy finale për të luajtur dhe do të japim maksimumin për ti fituar ‘’, përfundoi lojtari i lindur në Gelsenkirschen.
Duhet theksuar se edhe Barcelona prej kohësh pretendon shërbimet e Ilkay Gundogan, i cili ka shansin për ta fituar për të parën herë në karrierë Champions Leaguen , me një ekip që prej sezonesh me rradhë po tenton të futet në historinë e kompeticionit më të rëndësishëm europian për klube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
