Bregdeti i Darëzezës është kthyer këtë të diel në një pistë të vërtetë garash me kuaj.
Në aktivitetin e zhvilluar në kuadër të festave të 28-29 Nëntorit, morën pjesë 16 kalorës nga e gjithë Shqipëria, Lugina e Preshevës dhe Kosova.
Sipas organizatorit Indrit Plangaj, gara u zhvillua me pjesëmarrjen e 4 klubeve sportive, 16 garuesit e të cilëve garuan në 3 gara shpejtësie në një gjatësi prej 2 dhe 3 kilometra ndërsa ka apeluar për më shumë vëmendje nga shteti për të mbështetur sportin plot adrenalinë të hipizmit.
Ndërkohë në përfundim të aktivitetit, u shpallën për të tre garat, 9 fitues të vendeve të para, të dyta e të treta, por fieraku Beso Shkrela me kalin Luna ka fituar për të disatën herë radhazi duke krijuar ovacione tek të pranishmit.
Vija bregdetare e plazhit të Darëzezës është kthyer shpeshherë në pistë të aktiviteteve të ndryshme sportive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
