Pas fitores minimale në ndeshjen e parë, Bayern Munich do të presë PSG-në këtë të mërkurë, në sfidën e kthimit në Ligën e Kampioneve.
Në prag të kësaj përballje, në konferencë për shtyp ka folur trajneri i bavarezëve, Julian Nagelsmann.
Ky i fundit u shpreh se skuadra e tij duhet të jetë e kujdesshme dhe të ndalojë pasimet që shkojnë drejt Leo Messit.
Duhet të shmangim dhënien e kohës ndaj kundërshtarit, duhet të shfrytëzojmë hapësirat, tu japim sa më pak hapësira në prapavijë dhe të ndalojmë pasimet e destinuara për Messin. PSG ka karakteristika të qarta, nëse i gabojmë disa gjëra, mund ta ekspozojmë veten ndaj rreziqeve në kundërsulm.
Mane po rikuperohet, por nuk mendoj se do të luajë nga fillimi nesër. Ne jemi të lumtur ta shohim atë përsëri, ai mund të jetë i rëndësishëm në varësi të rezultatit, mund të hyjë si zëvendësues dhe të vendosë ndeshjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
