Pas daljes në skenë të emrave si Antoine Griezmann dhe Rafa Mir , Atletico Madridi nuk është dorëzuar me kaq dhe ka piketuar një lojtar kyç tek Valencia . Flitet për Maxi Gomez , sulmues që bëhet alternativa e tretë e Diego Simeones për fuqizimin e fazës ofensive . ‘’ El Cholo ‘’ tentoi transferimin e uruguajanit edhe në merkaton e kaluar por sipas As nuk do të bëjë hapa prapa deri sa ta transferojë në ‘’ Wanda Metropolitano “ .
Maxi Gomez është një njohës shumë i mirë i Primera Division sidomos pas eksperiencave tek Celta Vigo dhe aktualisht tek Valencia dhe me karakteristikat që mbart mund ti krijojë shumë lehtësira Atleticos drejt shënimit të golave . E ardhmja e kryeqytetasve parashikohet se do të jetë disi e komplikuar sepse kanë me vete peshën e fitimit të kampionatit në të cilin duhet të tregojnë se mund të kenë vazhdimësinë e sezonit të kaluar .
Për më tepër Valencia e ka humbur protagonizmin e dikurshëm ku ishte rregullisht pjesëmarrëse në Champions League dhe Atletico ja ofron uruguajanit këtë kënaqësi .
Ky element mund të ndikojë në vendimarrjen e Maxi Gomez sepse do të ishte i rrethuar nga një skuadër kampionësh që liderohet nga një trainer për të cilin fjalët janë të tepërta .
Sulmuesi i kombëtares ‘’ Celeste ‘’ ka zhvilluar një performancë pozitive në një kampionat shumë kompetitiv si La Liga dhe në 30 ndeshje ka shënuar 7 gola të shoqëruara me 5 asiste duke treguar se mbetet shumë i rëndësishëm për trainerin Jose Bordalas .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
