Shtohen pretendentët për Maximin

Mesfushori i Newcastle  Allan – Saint Maximin aktualisht po përjeton  një ndër periudhat më të suksesshme të karrierës.  Për 24 vjeçarin  janë interesuar disa  klube të njohura sidomos në Premier League , ku Liverpooli dhe Chelsea janë gati t’ia rrëmbejnë bardhezinjve .  Sipas ‘’ The Sun ‘’  pistat për të ardhmen e  francezit nuk mbarojnë me kaq sepse  edhe Everton i është bashkuar luftës për këtë lojtar që po bën bujë në  Angli .  

Teorikisht ‘’  The Toffees ‘’ nuk mund të krahasohen me pretendentët e lartpërmendur por  dëshira e  Rafael Benitez është formimi i një skuadre tepër kompetitive dhe  drejtuesit respektivë do ti provojnë të gjitha mënyrat për të transferuar  Allan- Saint Maximin në ‘’ Goodison Park ‘’.

 Intensiteti i kërkesave thekson se  drejtuesve  të bardhezinvje do ti duhet të dëgjojnë ofertat për pilarin e mesfushës sepse mund të nënkuptojnë një rritje të konsiderueshme në aspektin ekonomik për një skuadër që përgjithësisht ka luftuar në mesin e tabelës në Premier League.  Kontrata e tij me Newcastle skadon në 2026-tën por zërat për largimin nga  ‘’ St James’Park ‘’  shtohen dita ditës dhe ky fakt mund t’ia ndryshojë shumë shpejt të ardhmen ishi-t të Nicës .

Pavarësisht se është ende herët për të dhënë një verdikt më të qartë, në kontinentin e vjetër pritet një konkurrencë shumë e ashpër por theksi me shumë gjasa do të vihet tek rëndësia e projektit që do ti prezantojnë skuadrat në fjalë talentit të Newcastle .