Pas eksperiencës tek Atletico Mineiro , përsëri Premier League ka treguar interes për Diego Costan .
Etapa tek Chelsea evidentoi potencialin e 33 vjeçarit në majën e sulmit dhe tani pas disa sezonesh Wolverhampton e ka bindur golashënuesin.
Me ‘’ Ujqërit ‘’ ishi i Atletico Madridit ditën e sotme do të zhvillojë testet përkatëse dhe më pas do të firmosë për një sezon me anglezët .
Wolverhampton do të jetë ekipi i 11-të në karrierën e sulmuesit nga Sergipe i cili gjatë eksperiencës me ‘’ Blutë e Londrës ‘’ fitoi dy Premier League dhe një Kupë e më pas Primera Division me ‘’ Los Colchoneros ‘’ duke treguar se është një lojtar shumë insistues , me një potencial të jashtëzakonshëm në metrat e fundit.
Para pak kohësh Wolves humbi një pilar të ofensivës si Adama Traore i cili dëgjoi zemrën dhe u rikthye përsëri në ‘’ Camp Nou ‘’ dhe Bruno Lage do të ketë një siguri më tepër në metrat e fundit pasi Diego Costa i ka treguar aftësitë kudo ku ka vënë këmbët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
