Sforcot e Milanit për të rritur kualitetin kanë ardhur në rritje në javët e fundit . Kuqezinjtë e dinë se me mbërritjen përsëri në Champions League kërkesat rriten vetvetiu dhe përgjegjësia bëhet më e madhe . Rikthimi në kompeticionin e dëshiruar e bën të shpresojë se mund të kthehet në skuadrën e dikurshme që trembte çdo kundërshtar . Edhe pse kohët kanë ndryshuar pothuajse plotësisht uria për sukses nuk ka ndalur asnjëherë tek italianët . Stefano Pioli e ka të qartë se merkatoja e verës do të rezultojë përcaktuese për sezonin e Milanit dhe ka deklaruar objektivin e rradhës . Eshtë sulmuesi Cengiz Under ai që e ka impresonuar 55 vjeçarin . Turku është një lojtar shumë i guximshëm në metrat e fundit të fushës dhe spikat për shpejtësinë e tij .
Sipas ‘’ La Gazzeta Dello Sport ‘’ kartoni i 23 vjeçarit është vetëm 15 milionë euro , aspak problematike për Milanin . Huazimi nga Roma tek Leicester City ka rezultuar i qëlluar në shenjë sepse sulmuesi e ka rritur nivelin në Premier League . Gjithsesi mbetet për tu parë qëndrimi i Jose Mourinhos në lidhje me këtë interes që është një mundësi shumë e mirë për progresin e tij . Adaptimi i shpejtë në çdo skuadër është një faktor shumë i rëndësishëm për të ardhmen e dëshiruar .
Tek ‘’ The Foxes ‘’ Cengiz Under e ka demostruar rëndësinë e tij në 19 takime dhe 2 gola gjatë këtij sezoni dhe interesi i Milanit mund ti hapë rrugë largimit nga ‘’ King Power ‘’ për tu transferuar në ‘’ San Siro ‘’ .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
