Pas rikthimit të Romelu Lukakut tek Chelsea , Tottenhami është hedhur në luftë për ti rrëmbyer një tjetër yll Interit. Sezonin e ardhshëm zikaltërit do ta fillojnë luftën për mbrojtjen e titullit pa harruar synimin e përfaqësimit dinjitoz në Champions League pa disa nga komponentët që kontribuan me sukses në të kaluarën si Achraf Hakimi , Antonio Candreva , Joao Mario , Kolarov . ‘’ Gjelat e Londrës ‘’ kërkojnë të rikthehen aty ku e meritojnë dhe Nuno Espirito Santo konsideron se mbërritja e mundshme e argjentinasit në ‘’ White Hart Lane ‘’ do ta shtonte produktivitetin në ofensivë .
Kryeqytetasit kërkojnë ta rikompensojnë largimin e Harry Kane tek Manchester City dhe kush më mirë se 23 vjeçari nga Bahia Blanca do ta plotësonte kërkësen e tyre.
Gjithashtu duhet përmendur edhe fakti se Lautaro Martinez vjen nga një sukses historik me Argjentinën e cila mundi Brazilin në finalen e Kupës së Amerikës , i cili do ta motivojë në sezonin e ardhshëm për të qenë një ndër pikat referuese të sulmit . Ishi i Racing Club e finalizoi sezonin në mënyrë të shkëlqyer por duke qënë se Interit i duhet të riparojë dëmin ekonomik është i detyruar të heqë dorë nga pikat më të forta të tij .
Klasifikimi i Tottenhamit në Europë mund të rezultojë një element bindës për golashënuesin e mirënjohur i cili kërkon shtimin e sukseseve në kurrikulumin e pasur të tij dhe Tottenham Hotspuri ka dëshmuar ndër vite se është një kockë e fortë për tu kapërdirë .
19 gola dhe 11 asiste në 48 ndeshje mbyllën një sezon që do të mbahet mend gjatë nga Lautaro Martinez sepse skuadra e tij rezultoi e vetmja që mundi të mposhtë 9 vite dominimi absolut të ‘’ Zonjës së Vjetër ‘’ në Scudetto .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
