Arsenali ka bërë një hap të suksesshëm në lidhje me të ardhmen .
Në faqen zyrtare të ‘’ Topchinvje ‘’ është deklaruar rinovimi me Mikel Artetan i cili do ti liderojë deri në 30 qershorin e 2025-sës .
Një vendim i tillë parashikohej sepse spanjollit i mbetet ende për të dhënë në pankinën e anglezëve pas të kaluarës si lojtar i tyre.
Mbi këtë hap që konsiderohet një sukses me vete 40 vjeçari ka deklaruar :
“ Bisedimet shkuan shumë mirë dhe besoj se do të arrijmë sukseset në të ardhmen. I falenderoj drejtuesit e klubit në veçanti presidentin Josh Kroenke për mbështetjen .
Do të jap maksimumin në vazhdimësi ashtu siç e kam bërë edhe në kohën kur isha lojtar “ , përfundoi Mikel Arteta.
Mbërritja në Londër sigurisht i hapi derën një sfide me plot emocione dhe deri me tani numëron 126 ndeshje, 71 fitore, 20 barazime dhe 35 humbje të cilat janë shoqëruar me fitimin e një Fa Cup dhe një Community Shield.
Duke iu referuar sezonit aktual , Arsenalit i mbeten edhe katër finale për të zhvilluar, gjatë të cilave do të diskutohet pjesëmarrja ose jo në Champions League , turne shumë i preferuar nga ‘’ The Gunners ‘’ të cilët po mundohen të rikthehen në kohët e suksesit por deri më tani konkurrenca e ashpër në të gjitha kompeticionet nuk ia ka mundësuar këtë arritje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
