Brdaric: Vllazninë e zgjova nga gjumi letargjik

Trajneri Thomas Brdaric, është rikthyer të flasë për Vllazninë, skuadër të cilën e drejtoi deri pak javë më parë.

Tekniku kroato-gjerman u shkarkua, pas rezultateve jo të mira të treguara nga skuadra.

Në një intervistë të dhënë së fundmi në Gjermani, për “Kicker”, Brdaric u shpreh se ai së bashku me stafin e tij ia dolën të zgjojnë Vllazninë nga një gjumë letargjik.

Tani ka nisur të kalojë ajo periudha e surprizës së parë. Kur punon me shumë përkushtim, një shkarkim i tillë të trondit. Mendoj se ia dolëm ta zgjonim ekipin nga një gjumë letargjik. Në sezonin e kaluar ne luajtëm në kualifikueset e Europa League. Do të më pëlqente shumë të kisha mundësinë për të mbrojtur trofeun e Kupës së Shqipërisë. Megjithatë djemtë janë në finale dhe unë po i ndjek dhe kam kryqëzuar gishtat për ta.