Trajneri Ardi Behari, foli në emisionin “Skaner” në MCN TV, për miqësoren që Partizani humbi ndaj Ballkanit. Behari deklaroi se trajneri Zekiç, do të bazohet te pjesa e dytë për ndeshjen me Bate Borisov, ku Partizani tregoi fytyrë tjetër. “Ishte një ndeshje shumë e bukur. Nuk dukej miqësore. Kishte shumë cilësi, shumë ritëm. Kishte shumë futboll brenda. Pjesa e dytë, është ajo që trajneri do të fokusohet për ndeshjen me Baten. Në pjesën e dytë, ra në sy aktivizimi i lojtarëve që priten titullare. Kishte një tjetër ritëm në të dytën. Më pëqeu shpejtësia dhe agresiviteti i Partizanit. Partizani i Zekiç do jetë ndryshe, është një Partizan konkret dhe i drejtpërdrejtë. Më bën përshtypje forma shumë e mirë e disa lojtarëve. Mba duket në formë të shkëlqyer. Lojtarët në fushë ndaj Bate Borisov, duhet të jenë ata të pjesës së dytë ndaj Ballkanit. 4-3-3, ishte një zgjedhje shumë e mirë.”, deklaroi Behari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
