Tek Napoli po punohet me shumë përkushtim për të qenë në lartësinë e duhur edhe në sezonin vijues.
Me Antonio Conten në stol, ‘’ Il Partenopei ‘’ kanë funksionuar ashtu siç pritej, kampionë në fuqi të Scudettos.
Traineri nga Lecce shquhet për kokfortësinë e tij dhe sigurisht gjatë kësaj merkatoje verore po bën llogaritë për vijimësinë.
Aurelio Di Laurentis është vënë totalisht në dispozicion të kërkesave të ishi-t të Tottenham Hotspurit dhe drejtuesit si duket e kanë arritur një objektiv.
Tek Sevilla Juanlu Sanchez prej kohësh ishte në listën e italianit, i cili ka ditur të përshtatet me shpejtësi në disa pozicione të prapavijës, fakt që e bën një lojtar polivalent.
Kjo marrëveshje ndërmjet bardhekaltërve dhe andaluzëve mund të arrihet për shifrën e 18 milionë eurove dhe për 21 vjeçarin do të ishte eksperienca e parë jashtë Spanjës.
Në aspektin defensiv Antonio Conte po punon intensivisht për të mos përsëritur gabimet e të kaluarës, edhe pse Napoli zhvilloi një sezon fantastik në Serinë A.
Ndërkohë, vetë Juanlu Sanchez e konsideron një hap përpara në karrierë transferimin në ‘’ Diego Armando Maradona ‘’, aty ku e pret një ekip shumë cilësor dhe një ndër trainerët më të mirë në këtë profesion.
Orët vijuese do të jenë deçizive për zyrtarizimin e marrevëshjes dhe fillimin e një sfide shumë interesante në karrierën e lojtarit andaluz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
