Mungesa e akordit në lidhje me rinovimin e kontratës së Kylian Mbappes i ka ndërgjegjësuar drejtuesit e Paris St Germain se duhet të kërkojnë trashëgimtarin e francezit për ti vënë pikën kësaj çështje . Prezenca e sulmuesit në skemat e Mauricio Pochettinos është shumë e rëndësishme dhe kryeqytetasit tashmë janë përgjigjur me të njëjtën monedhë në tentativën e tyre për të zëvëndësuar 22 vjeçarin .
Në listën e gjatë të ‘’ Les Pariziens ‘’ tashmë përfshihet Erling Haaland për të cilin luftojnë pothuajse të gjitha ekipet me emër .
Duket sikur kjo histori që s’do të ketë asnjëherë fund sepse me kalimin e ditëve skuadrat më të njohura i shtohen luftës për bishën nordike. Sipas ‘ Calciomercatos ‘ francezët e kanë marrë shumë seriozisht dhe do të kërkojnë të përsërisin sukseset e merkatos së kaluar gjatë të cilës transferuan Sergio Ramos , Lionel Messi , Georginio Wijnaldum , Achraf Hakimi , Gianluigi Donnarumma etj .
Megjithatë s’duhet anashkaluar as Real Madridi që e kërkon medoeomos gjigandin e Borussia Dortmundit pa harruar se qëllimi kryesor është firmosja me Kylian Mbappe i cili përfundon kontratën me ish kampionët e Ligue 1 në fundin e këtij sezoni dhe do të tentojnë transferimin e të ashtuquajturit ‘’ Donatello ‘’ me parametër zero . Një fakt tjetër që s’duhet harruar është se pretendimi i ‘’ Verdhezinjve ‘’ për sulmuesin e lindur në Leeds vijon të jetë 200 milionë euro , operacion që do të fuqizonte ndjeshëm arkat e gjermanëve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
