Rritja e rendimentit nga Pau Torres i ka siguruar një tjetër kandidat spanjollit . Pas Manchester United, Manchester City ka treguar interes për mbrojtësin e Villarealit.
Sezonet e shkëlqyera të 24 vjeçarit , ndër të cilat numëron edhe një Europa League me ‘’ Nëndetësen e Verdhë ‘’ s’kishin si mos të vlerësoheshin nga bashkombasi i tij Pep Guardiola që kërkon perfeksionimin e ‘’ The Citiziens ‘’ në çdo sezon .
Me hyrjen në luftë të bardhekaltërve , ‘’ Djajtë e Kuq ‘’ do ta kenë të ndërlikuar për ta transferuar në të magjishmin ‘’ Old Trafford ‘’ . Drejtori sportiv i anglezëve Txiki Beguiristain e vlerëson shumë Pau Torres dhe sipas Marcas prej një kohë të gjatë e ka ndjekur me detaje evolucionin e kapitenit të Villarealit.
Duke iu referuar kësaj historie spanjollët i kanë qëndruar gjithmonë besnikë ideologjisë së tyre dhe nuk mendojnë të lejojnë largimin e pilarit të prapavijës nga ‘’ La Ceramica ‘’ për më pak se 50-60 milionë euro.
Suksesi i arritur në kompeticionin e dytë europian për nga rëndësia jo vetëm Pau Torres-it por edhe të gjithë nxënësve të Unay Emery-t ia ka rritur vlerën e kartonit dhe duke qenë se është një ndër më të rëndësishmit tek Villareali, me të drejtë drejtuesit përkatës kërkojnë një shumë të tillë .
Një aspekt shumë domethënës në të kaluarën ishte refuzimi i Tottenham Hotspurit dhe vendimi i tij evidenton se pretendon të jetë pjesë e nje skuadre me emër jo vetëm për të rritur kualitetin por për të gjetur një ambjent që i siguron pasurimin e kurrikulumit me trofe të tjerë në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
