Trajneri i Feyenoord, Arne Slot, është shprehur se skuadra e tij nuk kishte fat në finalen e Conference League, e cila u fitua minimalisht nga Roma.
Solt pas ndeshjes, deklaroi se skuadra e tij bëri mirë në disa raste, por shfaqën probleme në zgjedhjet e lojtarëve.
Është gjithmonë interesante kur sheh si shkojnë 15 minutat e parë. Në atë pjesë ne kishim kontrollin e ndeshjes. Por një pjesë loje zgjat 45 minuta. Dhe problemet tona ishin me zgjedhjet që bënë lojtarët tanë, me apo pa topin. U thashë lojtarëve gjatë pushimit që ata duhej të bënin më mirë. Në pjesën e dytë ne ishim të vëmendshëm që në fillim, por duhet pak fat dhe ne nuk e kishim. Kishim kohën dhe mundësinë që të shënonim dhe nuk ia dolëm. Ndoshta ka të bëjë edhe me cilësinë e kundërshtarëve.
Në një finale nuk ke dhjetëra shanse, mund të kesh dy. Në një finale ndaj një skuadre italiane është veçanërisht e vështirë të krijosh raste e aq më shumë kur është një skuadër italiane e drejtuar nga Mourinho.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
