Komentatori i njohur sportiv, Kostandin Grillo, vijon të kurohet në Turqi, pas infektimit me Covid-19, ndërsa duket se gjendja e tij shëndetësore fatmirësisht është përmirësuar.
Lajmin e mirë e ka dhënë kolegu i tij, gazetari Ervin Petraq Baku, me anë të një postimi në rrjetin e tij social Facebook, ku shkruan se analizat e gjakut të Kosta Grillos kanë dalë mirë dhe se beteja e mjekëve është përqendruar te rikuperimi i mushkërive.
Në fund ai ka dhe një ‘urim’ për të gjithë ata që e mallkuan Grillon duke ju thënë se ‘Zoti i mbron njerëzit e mirë dhe të pastër’
Një lajm i mirë na vjen këtë mëngjes nga Stambolli. Kolegu, miku, vëllai, Kosta Grillo duket se ka marrë kthesën e madhe për mirë… Lavdi Zotit! Mjekimi me qelizat e reja duket se po jep frutet e tij. Komunikimi i tij është shumë normal, me një çehre shumë të mirë të fytyrës. Për herë të pare pas 10 ditësh ka kërkuar për të ngrënë…
Mjekët e spitalit i kanë raportuar analizat e gjakut dhe ato kanë dalë shumë mirë. Trupi po rikthehet drej normalitetit… Beteja tani do të fokusohet te rikuperimi i mushkërive. Pra të punohet më pak me aparatet e oksigjenit dhe të rikuperohen mushkëritë. -Jam shumë mirë, i ka thënë Kosta sot doktoreshës. -Dua të kthehem…Ku do shkosh ti? i është përgjigjur ajo… Është rrugë e gjatë… Durim!
Të dashur miq, Falemnderit për lutjet tuaja! Zoti ju bekoftë! Vazhdoni ju lutem të luteni! Falemnderit ju që kontribuat financiarisht! Të gjithë ata/ato që mund të kontribuojnë, ta bëjnë ju lutem. Kohën e qëndrimit të Kostës në spital askush nuk e di…
Kam dhe një fjalë për ata/ato, shumë të paktë, që e mallkuan dhe i uruan më të keqen… Zoti ju bekfotë edhe ju! Zoti ju ruajtw trutw e kokws… Sepse ju nuk e njihni fare fare Kosta Grillon… Mësojeni se Kosta Grillo është jetëgjatë… Sepse Zoti i mbron njerëzit e mirë dhe të pastër!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
