Chelsea shumë afër Haaland

Chelsea duket se do të dalë e fituar edhe në merkaton e verës.  Londinezët kanë bërë progres në lidhje me  firmosjen e Erling Haaland  dhe momentalisht janë favoritët kryesorë për ta transferuar në  ‘’ Stamford Bridge  ‘’ .  Sipas zërave të fundit të konfirmuara nga  portali ‘’ GivemeSport “ ,  kampionët në fuqi të Champions Leagues kanë arritur ta bindin shtatlartin norvegjez dhe tashmë i mbetet të shtrëngojnë duart me drejtuesit e Borussia Dortmundit  . ‘’ Verdhezinjtë ‘’ ndodhen në një situatë kritike sepse janë drejt humbjes së dy komponentëve më të rëndësishëm  si norvegjezi dhe Jadon Sancho  për të cilët  rruga në gjetjen e zëvëndësueve do të jetë shumë e ndërlikuar   . 

Situata e  Erling Haaland i avantazhon dukshëm ‘’ Verdhezinjtë ‘’  sepse kanë përcaktuar se klauzola e prishjes së kontratës se Erling Haaland kap 75 milionë eurot por favori në këtë rast është se kjo formulë nuk do të hyjë në fuqi deri në  verën e 2022- shit , fakt që thekson se  momentalisht gjermanët mund të kërkojnë çdo lloj shifre për ta lënë të lirë  sulmuesin e lindur në Leeds .   Strategjia e tyre konsiderohet  tepër e qëlluar  sepse largimi i bomberit nordik nga ‘’ Signal Iduna Park ‘’ do të përmirësonte ndjeshëm aspektin ekonomik të gjermanëve. 

Sipas informacioneve të fundit  drejtuesit e Borussia Dortmundit kanë deklaruar se  ‘’ Blutë e Londrës ‘’ duhet të paguajnë 100 milionë euro nëse duan të kenë kënaqësinë e patjes së Erling Haaland në skuadër  por synimi i Thomas Tuchel  nuk mbaron me kaq sepse  ka deklaruar se do ti japë rëndësinë maksimale riparimit të çdo pozicioni për të qëndruar në të njëjtin stad edhe në sezonin vijues .

Pavarësisht se suksesi i arritur i jep mundësinë për një lloj relaksi , gjermani ka treguar karakterin e fortë duke i imponuar vetes dhe drejtuesve dhënien e 100 % në merkato e cila është rruga e duhur për të shtuar titujt në vitrinë .