Sezoni i shkëlqyer i Oihan Sancet me Athletic Bilbaon, me kalimin e kohës po i siguron pretendentë cilësorë.
Mesfushori e ka konsoliduar vendin e titullarit në 11-shen e Ernesto Valverdes, për të cilin Tottenhami, Arsenali dhe Milani do të luftojnë gjatë merkatos së verës.
23 vjeçari është një ndër më të spikaturit e vaskëve, i cili para pak kohësh e rinovoi kontratën deri në 30 qershorin e 2032-shit, fakt që natyrisht ia pamundëson largimin nga ‘’ San Mames ‘’ edhe pse flitet për ekipe me shumë histori.
Spanjolli falë paraqitjeve ka arritur të grumbullohet edhe në kombëtaren e ‘’ La Furia Rojas ‘’ nga strategu Luis de la Fuente, i cili numëron 4 gola dhe 6 asiste në 33 sfidat e deritanishme.
Falë kapacitetit të numrit një të stolit, edhe ‘’ Los Rojiblancos ‘’ po tregojnë vlerat në sezonin aktual, skuadër momentalisht në zonën e Europës, 11 pikë larg ndjekësit më të afërt Real Betisit.
Gjithsesi edhe pse kontrata e firmosur nënkupton një lloj barrierë, duhet parë se çfarë do të ndodhë në merkaton e verës, e cila gjithmonë ka prodhuar shumë surpriza, sidomos në lidhje me ekipet e elitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
