E ardhmja e Dusan Vlahoviç tek Juventusi vijon ende në pikpyetje, të cilit në asnjë merkato nuk i kanë munguar pretendentët.
Në atë të verës, drejtuesit e Milanit do të tentojnë ta transferojnë serbin në ‘’ San Siro ‘’, ekip i cili do të nisë një tjetër etapë nën drejtimin e Massimilliano Allegrit.
Golashënuesi së fundmi ka refuzuar Fenerbahçen, ç’ka do të thotë se kuqezinjtë kanë një lloj avantazhi për të marrë shërbimet e tij.
25 vjeçarit i përfundon kontrata me ‘’ Zonjën e Vjetër ‘’ në qershorin e 2026-tës dhe duke iu referuar këtij fakti, drejtuesit janë shprehur se janë të gatshëm të negociojnë për afro 30 milionë euro, sipas të përditshmes ‘ MundoDeportivo ‘.
Prej katër sezonesh Dusan Vlahovic përfaqëson ish rekordmenët e Scudettos, për të cilin gjithsesi ‘’ Djalli ‘’ s’do ta ketë aspak të lehtë sepse rroga e tij vjetore i arrin 12 milionë eurot.
Gjithsesi, bisedimet ndërmjet palëve vijojnë dhe parashikohet se ditët pasardhëse do të jenë përcaktuese për të ardhmen e Dusan Vlahovic.
Sezonin aktual ishi i Partizan Beogradit e përfundoi me 15 gola në 41 sfida, i cili nëse do të ndryshojë destinacion natyrisht do të shëndërrohej në një ndër protagonistët e kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
