Shqipëria do të luajë një ndeshje shumë të rëndësishme këtë të premte, siç është ajo ndaj Moldavisë, e vlefshme për kualifikueset e Europianit.
Kuqezinjve i mjafton vetëm një barazim për të siguruar kualifikimin, por që nga fillimi do të synohet fitorja.
Tekniku kuqezi nuk dëshiron të ndryshojë formacionin që e solli deri këtu dhe për këtë arsye i ka planet e qarta për titullarët.
Në portë do të luajë Berisha, në të djathtë të mbrojtjes Hysaj, në të majtë Mitaj dhe qendra do të përbëhet nga dyshja Gjimshiti-Ismajli.
Asllani ia ka dalë të rikuperohet plotësisht dhe do të jetë në mesfushë së bashku me Ramadanin. Para tyre do të luajë Bajrami, i cili do të jetë në mbështetje të treshes së sulmit Seferi-Cikalleshi-Asani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
