Tottenhami pëlqen De Vrij

 E ardhmja skeptike e Stefan De Vrij tek Interi do ta shëndërrojë në një ndër protagonistët e merkatos së zikaltërve .

Hollandezi pëlqehet shumë nga ish traineri  Antonio Conte pasi i njeh shumë mirë aftësitë e tij dhe ishte pjesë e suksesit të italianëve në Serinë A.

 Tottenham Hotspuri është futur në valle për transferimin e 30 vjeçarit në ‘’ Whte Hart Lane ‘’ pasi eksperienca e akumuluar ndër vite mund ti shërbejë prapavjës së ‘’ Gjelave të Londrës ‘’ të cilët nën drejtimin e Antonio Contes mbeten në luftë për një vend në Champions League në sezonin vijues , objektiv i hershëm i drejtuesve .

Nëse kryeqytetasit do ta arrijnë, mund të ndalojnë largimin e shumë yjeve si përshembull Harry Kanen , për të cilin prej shumë kohësh luftojnë ekipet e njohura.

Champions League është kompeticioni më i famshëm i kontinentit të vjetër dhe çdo klub dhe trainer e ëndërron të bëhet pjesë e tij .

Eksperienca e trainerit nga Lecce ka ndikuar në performancën e nxënësve të tij duke e treguar edhe një herë se me 3-5-2 – shin e famshëm mund të shkojë shumë larg  siç e bëri edhe me skuadrën nga Milano.

 Por s’duhet anashkaluar as qëndrimi i Stefan De Vrij në ‘’ Giusseppe Meazza ‘’ pasi në javën e fundit të Serisë A mund të ndodhë e papritura dhe ky fakt mund të ndikojë në vendimarrjet e lojtarëve të rëndësishëm duke ia pamundësuar  ‘’ Spursave ‘’ objektivin.

Antonio Conte ka një përgjegjësi shumë të madhe dhe në javët e fundit i pret një rival i vështirë në fushën e tij si Norwich City i cili tashmë ka rënë në Championship dhe Tottenhami duhet të bëjë kujdes sepse fakti se djemtë e Dean Smith s’kanë asgjë për të humbur mund t’ia prishin  planet trainerit nga Lecce i cili vijon të tregojë se është një ndër më të mirët në botë.