Eduardo Camavinga është zyrtarisht lojtari më i ri i Real Madrid. Klubi spanjoll ka arritur marrëveshjen me francezët e Rennes dhe në arkat e këtyre të fundit do të derdhen 40 milionë euro.
18-vjeçari i cili ndiqej nga Reali prej kohësh, tashmë do të jetë pjesë e madrilenëve, me të cilët do të firmosë deri në vitin 2027.
Pas tentativave të shumta për të marrë Kylian Mbappe, Real Madrid nuk arriti dot një marrëveshje dhe për këtë arsye vendosi të investojë në një tjetër francez, i cili gjithashtu premton shumë për të ardhmen.
18-vjeçari pas një sezoni të shkëlqyer në Francë, ndiqej nga klube të mëdha, si PSG, Manchester United dhe Real Madrid, por vetëm këta të fundit ia dolën të arrijnë një marrëveshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
