Presidenti i KOKSH, Fidel Ylli, në emisionin “SportZone” në MCN TV, u pyet edhe për zërat e fundit, ku thuhet se peshëngritësja shqiptare, Evangjeli Veli, e cila u shpall kampione Europe, ka rezultuar pozitiv me doping.
Ylli tha se përgjegjësitë janë individuale, ndërsa më tej deklaroi se duhet një riorganizim për agjencinë, në mënyrë që sportistët me doping të zbulohen që në Shqipëri, pa shkuar në aktivitetet ndërkomëbatre. Ai u shpreh se sportistët që kapen dy herë me doping, të përjashtohen.
Këto janë përgjegjësi individuale të çdo sportisti. Duhet një riorganizim, që të kemi një agjenci të pavarur, për t’i kapur sportistët pa shkuar në kampionatet jashtë. Kam kërkuar që për peshëngritësit të bëhen kontrolle, pa shkuar në aktivitetet ndërkombëtare.
Për Evangjeli Veli, deri tani nuk na ka informuar njeri. Unë mendoj se në rast se sportistët kapen për herë të dytë me doping, duhet të përjashtohet menjëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
