Pasi mori vendimin për mos ta rinovuar kontratën me Bayern Munchen , për Niklas Sule janë interesuar disa ekipe me emër . Real Madridi , Barcelona , Manchester United apo Chelsea prej një kohe të gjatë i kanë mbajtur ndezur motorrët për ta afruar qëndërmbrojtësin por si duket tentativat e tyre do të mbesin në vendnumëro pasi sipas ‘ Bild ‘ 26 vjeçari e ka zgjedhur destinacionin e ri .
Bundesliga do të vijojë të jetë streha e Niklas Sules i cili ka deklaruar se do të përfaqësojë interesat e Borussia Dortmundit për arsye se drejtuesit nga ‘’ Signal Iduna Park ‘’ e kanë bindur me ofertën e bërë dhe sigurisht do të ketë mundësinë e pjesëmarrjes edhe në Uefa Champions Leagues.
Historikisht ‘’ Verdhezinjtë ‘’ kanë rezultuar një ekip tepër i respektuar në çdo eveniment dhe madje Marco Rose i garanton një vend titullari , faktor i rëndësishëm për arritjen e objektivave në të ardhmen.
Kohët e fundit në ‘’ Allianz Arena ‘’ u konceptuan një ferr për Niklas Sulen i cili çuditërisht u preferua si zgjedhja e dytë e Julian Nagelsmann , situatë të cilës ishi i Hoffenheimi i ka vënë kapakun.
Pavarësisht se Bayern Munchen është protagonist i padiskutueshëm në Gjermani , Borussia Dortmundi me këtë lëvizje mund ti krijojë jo pak shqetësime në vijimësi sepse përbëhet nga komponentë që mund të befasojnë atëherë kur nuk e pret .
5 vitet në Mynih sigurisht i kanë shkaktuar impakte pozitive karrierës së Niklas Sule dhe dashuria për Bundesligën do të kanalizohet tek përfaqësimi i ngjyrave verdh e zi duke filluar nga sezoni i ardhshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
