Sokol Cikalleshi ka gjetur sërish rrugën e rrjetës në Turqi, aty ku aktivizohet me skuadrën e Konyaspor.
Sulmuesi i Shqipërisë, ishte protagonist në ndeshjen e çmendur mes Konyaspor dhe Kasimpasa, e cila u mbyll në barazim 4-4.
Sfida ishte mbërthyer në shifrat 3-3, por Kasimpasa gjeti golin në minutën e 91 me Mabil.
Kur dukej se miqtë do të largoheshin me 3 pikët, erdhi edhe goli i Cikalleshit. Kavajasi u tregua i saktë nga pika e bardhë e penalltisë në minutën e 100-të, duke i dhënë barazimin 4-4 Konyasporit.
Këta të fundit mbajnë vendin e dytë në renditje me 49 pikë, 6 pikë më shumë se ndjekësit e Basaksehir, ndërsa Trabzonspor kryeson i shkëputur ndjeshëm me 60 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
