Supersfidë në Itali për Thiago Alcantaran

Përfundimi i kontratës me Liverpoolin në 30 qershor, sigurisht është një lajm shumë pozitiv për pretendentët e Thiago Alcantaras.

Në Serinë A do të zhvillohet një supersfidë midis Juventusit dhe Interit për spanjollin, cilësitë e të cilit janë të padiskutueshme.

Mesfushori i tregoi edhe në të kaluarën në rradhët e Barcelonës, Bayern Munchenit dhe tanimë ‘’ The Redsave ‘’ se çfarë është i aftë të bëjë në fushën e lojës dhe traineri i ‘’ Zonjës së Vjetër ‘’ Massimilliano Allegri e mirëpret në ‘’ Allianz Stadium ‘’.

Zikaltërit gjithsesi konsiderohen një rival i vështirë për torinezët, të cilët i kanë mposhtur deri më tani në kampionat, por merkatoja e verës ndoshta do të rezultojë ndryshe.

32 vjeçari ka përjetuar shumë ulje-ngritje në vitet e fundit për arsye të dëmtimeve por sigurisht i ka dhënë shumë avantazhe skuadrës së Jurgen Klopp, me të cilën deri më tani numëron 97 sfida, 3 gola dhe 6 asiste.

Thiago Alcantara është në një moment shumë të rëndësishëm të karrierës dhe duhet ti marrë vendimet me qetësi, për të shmangur ndonjë pakënaqësi të mundshme në të ardhmen.