Milani regjistroi ndeshjen e gjashtë radhazi pa fitore. Kuqezinjtë barazuan 3-3 në shtëpi ndaj Genoa-s, në ndeshjen e vlefshme për javën e 35-të në Serie A.
Retegui i dha avantazhin miqve në minutën e 5-të miqve me penallti, ndërsa Florenzi barazoi shifrat në minutën e 45-të.
Pjesa e dytë, nisi sërish me gol, teksa ishte Ekuban, që i dha avantazhin Geonas, por kuqezinjtë përmbysën rezultatin, me golat e Gabbia dhe Giroud.
Në fund, një autogol i Thiaw, vulosi sfidën në 3-3. Tjetër rezultat zhgënjyes për Milanin, që mbetet në vendin e dytë me 71 pikë.
Në këtë ndeshje, ultrasit e kuqezinjve protestuan, duke heshtur gjithë ndeshjen, ndërsa u larguan 15 minuta para fundit nga stadiumi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
