Romelu Lukaku, është një nga emrat më të përfolur këtë merkato. Interi prej kohësh po punon për të blerë kartonin e sulmuesit belg nga Chelsea, por e ardhmja e lojtarit mund të marrë një rrjedhë tjetër. Sipas raportimeve nga mediat italiane, Lukaku ka nisur bisedimet me Juventusin. Bardhezinjtë kanë arritur një marrëveshje në parim me lojtarin dhe klubin e Chelsea, por kanë kërkuar 10 ditë kohë, sepse presin shitjen e Vlahovic. Juventusi ka ofruar 35 milionë euro plus 5 milionë euro bonuse, duke plotësuar kërkesat e klubit londinez. Të njëjtën shifër ka ofruar edhe Interi, por lojtari i ka dhënë prioritet bardhezinjve, të cilët i ofrojnë gjithashtu 12 milionë euro në sezon. Gjithashtu, thuhet se Lukaku dhe agjenti i tij, nuk i janë përgjigjur thirrjeve të Interit, duke i lënë në pritje, në varësi të asaj që do të ndodhë me Juventusin, të cilëve i ka premtuar se do i presë 10 ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
