Tronditjet për Juventusin vijojnë edhe pas eleminimit nga Champions League sepse rinovimi me Paulo Dybalan po vonon dhe kjo situatë i ka shqetësuar së tepërmi torinezët .
Gabimi i ‘’ Zonjës së Vjetër ‘’ ishte shtyrja e rinovimit me ‘’ La Joyan ‘’ dhe më pas drejtuesit e saj ndryshuan idenë duke e lënë të pazgjidhur këtë çështje, prej të cilës kërkon të përfitojë edhe Atletico Madridi.
Pas Interit , ‘’ Los Colchoneros ‘’ janë përfshirë fuqishëm dhe në ditët vijuese pritet një konkluzion.
Italianët kanë bërë gati një propozim të ri për golashënuesin sepse është shumë i rëndësishëm për Massimiliano Allegrin dhe tani më shumë se kurrë Juventusi ka nevojë për ishi-n e Palermos sepse është në një situatë dramatike , sidomos pas eleminimit nga Villareali.
Sipas ‘ As ‘ , priten oferta të bujshme për kordobezin dhe përpos ‘’ Los Rojiblancos ‘ , s’duhet harruar as Interi që në të kaluarën gaboi duke refuzuar transferimin e 28 vjeçarit për vetëm 35 milionë euro nga Palermo dhe i krijoi shansin Juventusit për tu fuqizuar dhe të vinte diktatin në Scudetto për 9 vite rrjesht .
Edhe pse janë kujtuar vonë , zikaltërit do të vijojnë këmbnguljen për asin argjentinas pavarësisht se do të kenë si rival Atleticon e ‘’ Cholo ‘’ Simeones që konsiderohet një ekip i frikshëm edhe në merkato.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
