Megjithëse Armand Duka fitoi mandatin e tij të 6-të në krye të FSHF, Gjykata e Tiranës nuk e lejon të ushtrojë detyrën pasi ndaj tij ka një masë sigurie për shpërdorim detyre, në lidhje me organizimin e zgjedhjeve të shoqatave rajonale. Drejtori juridik pranë FSHF Aldi Topçiu shpjegoi se vendimi është alogjik dhe i paligjshëm.
Jo vetëm që presidenti i FSHF nuk është një funksion publik, por ky koncept është në thelb i ndaluar nga ligji për OJF-të, i cili sanksionon parimin e pavarësisë nga shteti. Duke mos pasur kështu një funksion publik është e paligjshme dhe e pakuptimtë të vendoset një masë sigurimi personale.
Për Topçiun, Gjykata është vetë e paqartë në dhënien e vendimeve të tilla.
Kjo sidomos për faktin se vetë Gjykata nuk e ka të qartë natyrën e rolit të presidentit të FSHF apo Sekretarit të Përgjithshëm, por ka pasur si qëllim të vetëm pengimin e procesit zgjedhor në FSHF. Për ta përmbledhur: pavarësisht mos dakordësisë me këto vendime dhe ankimit që do të ushtrohet kundër tyre, këto vendime te shtyra politikisht, janë në vetvete pa pasoja mbi jetën juridike të FSHF-së.
Topçiu më tej shpjegoi se me situatën aktuale, Shqipëria rrezikon seriozisht organizimin e finales së Ligës së Konferencës që do të mbahet më 26 maj në Tiranë, në stadiumin “Air Albania”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
