Janë mbyllur ndeshjet e Kategorisë së Parë, të vlefshme për javën e 10-të.
Besa e Kavajës bëri surprizën, teksa ndali në një barazim pa gola Bylisin. Ballshiotët vinin pas 7 fitoreve radhazi, por u shtangën në shtëpi.
Pavarësisht barazimit, Bylis mbetet në vendin e parë me 26 pikë, 4 më shumë se Elbasani i vendit të dytë. Skuadra e Nevil Dedes, nuk fali në transfertë ndaj Luzit, aty ku fituan 4-2.
Vora shmangu humbjen në fund, teksa barazoi 2-2 në shtëpi me Lushnjën. Këta të fundit i shkuan afër fitores, teksa kryesonin 2-1 deri në minutën e 86-të, kur Pereira barazoi shifrat.
Sakaq, Apolonia-Kastrioti u mbyll në barazim 1-1, ndërsa Flamurtari mposhti minimalisht Korabin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
