Sebastian Vettel fitoi pol positon në Grand Prixin e Bahreinit kur Ferrari mbylli rreshtin e parë të garës. Në garën e dytë të Formula 1, vazhdon të dominohet nga Ferrari, dhe një gjë e tillë u tregua dhe sot, me dy pilotët e kokëkuqes që do të nisen në vijën e parë në Çmimin e Madh të Bahreinit, gara e dytë e Botërorit të këtij viti.
Sebastian Vettel regjistroi kohën më të mirë me 1 minutë, 27 sekonda dhe 958 të mijëtat, duke lënë pas shokun e tij të skuadrës, Raikkonen me kohën 1’ 28’’ dhe 101 të mijëtat.
Menjëherë pas tyre do të niset Valtteri Bottas me Mercedes, ndërsa Hamilton, pavarësisht kohës së katërt më të mirë të regjistruar në provat zyrtare, do të niset nga vendi i 9, për shkak të pezullimit me 5 vende si pasojë e ndërrimit të kambios.
Hamilton luftoi gjatë gjithë ditës, duke përfunduar pas Vettel, Kimi Raikkonen dhe Valtteri Bottas. Top dhjetëshja plotësohet nga Ricciardo, Gasly, Magnussen, Hulkenberg, Ocon, dhe Sainz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
