Ylli i Colon në radarët e gjigandëve

Talentët në Argjentinë shquhen për sukseset në një moshë fare të re dhe i tillë është edhe ai i Colon Santa Fe .

19 vjeçari Facundo Farias  po paraqitet shkëlqyeshëm në kampionatin vendas dhe tashmë kanë filluar trokitjet e para në derën e tij nga ekipet e elitës.

  Pas Boca Juniors , River Plates dhe Atletico Madridit,  sipas ‘As ‘ interesi është zgjeruar  me Romën , Sassuolon, Udinesen , Paris St Germain dhe  Manchester United, fakt që tregon se shumë shpejt e ardhmja e tij mund të ketë një tjetër histori , pikërisht gjatë merkatos së verës.  

18 sfida dhe 4 gola , të shoqëruara këto nga një nivel mbresëlënës në një kampionat i cili për hir të së vërtetës ka një koefiçent të lartë vështirësie , e lartësojnë figurën e Facundo Farias dhe nga ana tjetër entuziazmojnë drejtuesit e Colon sepse do të mbushnin arkat me shitjen e perlës nga Santa Fe .

Tashmë përqëndrimi është maksimal sepse ofertat me siguri nuk do të mungojnë dhe parashikohet se vijimësia e këtij lojtari do të ketë nga mbrapa një punë më intensive me objektivin e provës së një eksperience të re në kontinentin e vjetër , ëndërra e çdo talenti, sidomos në Amerikën Latine sepse për to mbetet toka e premtuar që të siguron një të ardhme ndryshe si në aspektin kualitativ ashtu edhe në atë ekonomik.

 Lufta do të jetë shumë interesante por duhet shtuar këtu se prioriteti i Facundo Farias do të jetë sigurisht garancia e sa më shumë minutave për të vijuar progresin dhe akumulimin e pikëve për të provuar një futboll ndryshe  e pse jo mos të jetë një ndër surprizat e të ardhmes në kampionatet më prestigjoze të Europës.