Mesfushori Mikel Oyarzabal është duke shijuar momente të shkëlqyera në karrierë . Ylli i Real Sociedad ka arritur në atë stad sa që të konsiderohet ndër më të mirët jo vetëm në La Liga por edhe në mbarë Europën duke e bërë shumë krenar trainerin Imanol Alguacil dhe të gjithë tifozerinë e zjarrtë të ‘’ Txuriurdines ‘’.
Menjëherë për shërbimet e 24 vjeçarit ka treguar interes Atletico Madridi sepse Diego Simeone kërkon ti shtojë një tjetër element efikas mesfushës për ta bërë më solide dhe efektive në vijimësi .
Megjithatë për Imanol Alguacil prezenca e Mikel Oyarzabal në 11- she është shumë e rëndësishme sepse me eksperiencën e fituar ka ditur të përfaqësohet ashtu siç duhet në La Liga dhe Uefa Europa League .
Traineri spanjoll ka ditur të formojë një skuadër shumë simpatike të denjë për të bërë më të mirën dhe natyrisht elementët përbërës kanë filluar të bëhen pjesë e skuadrave të njohura .
10 ndeshjet e para të sezonit flasin me superlativa për Mikel Oyarzabal sepse e ka përforcuar pozicionin e tij tek bardheblutë dhe e ka justifikuar besimin e Imanol Alguacil me 6 gola në 10 ndeshje duke i rritur kreditet për të ndryshuar rrugëtimin e karrierës .
‘’ El Cholo ‘’ është i bindur për cilësitë e tij dhe ëndërron transferimin e spanjollit në ‘’ Wanda Metropolitano ‘’ , aty ku do të gjente një skuadër tepër kompetitive e gatshme për të luftuar për trofe të rëndësishëm në çdo sezon .
Ky rast interpretohet gjithashtu si qershia mbi tortë për vijimin e karrierës dhe ashtu siç e kanë treguar vitet e kaluara , situata të tilla janë të vështira që të përsëriten për faktin se bota e futbollit është e mbushur me talentë të cilët në një moment apo një tjetër shfaqen papritur dhe impresionojnë në terrenet e gjelbërta .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
